-
لطلاب امريكا الجدد او اللي بيجون ياليت تنتبهون !!!!
بسم الله الرجمن الرحيم
اول شيء انا ماودي اخوفكم او اقلقكم او اقعد اغثكم بس بذمه وضمير انصحكم لوجه الله تعالى
شوفوا انا اصلا كنت انزل مواضيع حلوه عن امريكا بس هنا وقفه ابيكم تركزون عليها كثييييييير
وهي نصائح على السريع وانا خبره ولي باع طويل في الدراسه والخربطه الله يبعدكم عنها
اخواني اخواتي الله يحفظكم ويهديكم ويردكم لبلادكم بالشهاده اللي ترفع الراس يارب
انا حاب انصحكم من اغلبية الشباب السعوديين هنا والله العظيم وللاسف انهم تعبانيين وخربانييين لابعد درجه والمشكله الكبيره انهم يزحفون بك يعني يبونك معهم وللاسف اغلبهم بزاريين يعني مايتعدى ال20 سنه
اباقولكم بعض المواقف اللي حصلت لي واللي شفتها هنا
اول شيء اغلبهم مو حق شراب بس لا اغلبهم حشيش حشيش حشيش
انتبهوا المشكله ان المستجد اول مايجي يتعلق باي سعودي وانا ما الومه يبي الفزعه وفي الاخير يجد نفسه معهم ويحشش ويشرب ويسكر وضاعت الطاسه بينهم
لكن فيه سعوديين تحطه على الجرح يبرى وهالناس من اشكالها تعرفهم تلقاه خدوم يساعدك يروح معك يفتح حساب ويصلح لك كل اللي تبي لا وبعضهم يحط من فلوسه ويسكنك معه ببيته وفي غرفته لين تستقر والاغلب لا ملعون صلايب وسخ قذر يضيعك معه ويعيشك جو الخراب ويرفع بك
اخواني اخواتي انصحكم تعالوا بقوة قلب وكرش بالوجه اترك المهايط وعلوم القبايل ببيتكم والسيء قله اقلب وجهك والزين حطه بعيونك
مهما حدتك الظروف والغربه لاتلتجي لسرنبت والدشير والقذرين التجيء لله قبل كل شيء ورح للفاهم والعاقل والرزين تراه هو اللي بنفعك بعد الله
خلوني اعلمكم قصه حصلت معي في اول مره اجي هنا في امريكا طبعا انا كنت اعرف الاجواء وقد درست قبل كذا في دوله ثانيه وانكرشت بسبة امور مماثله ولكن الحمد لله كبرت وعقلت وعرفت راسي من ساسي المهم وصلت لامريكا وبعد ماخلصت من واشنطن اتجهت لمدينتي وكانت رحلتي اخر الليل ونسقت مع معهدي علشان يستقبلوني وقالوا خلاص بيستقبلونك ناس سعوديين
المهم استقبلوني وكانت الفاجعه رحت معهم ودورة فندق مالقيت قالوا خلاص نام معنا ورحت ونمت معهم وبعد ماحطيت راسي الا هالحشيش والشراب والبنات والقروشه وتعرفون ريحة الحشيش اقصد دخانها حتى وانت ماتحشش تسطل وتروح فيها
قمت وقلت ياناس عيب عليكم انا ضيف خلوني ارتاح وبعدها بكيفكم بصراحه وش اسوي ما معي الا الله ثم هم لان الجو بارد ومافيه فندق والوقت متاخر المهم نمت هذاك اليوم وقمت الصباح بدري وهم متسدحين لا ولقيت بجنبي بنت والحال حال الله لايعودها ذيك الايام
طلعت من عندهم واخذت اغراضي وطلعت وامشي بالشارع مثل الخبل وقف لي سعودي قال اساعدك قلت ياليت وداني فندق وسكنت وعينت من الله خير وهم يتصلون علي وقالوا وينك قلت مقفاك انت وياه لا اشوف واحد منكم
المهم جوني وترجوني اني ما اعلم الملحقيه ومدري وشو قلت ابشروا اصلا انتم ماشفتكم وما ادري عنكم بس ابعدوا مني
انتهى الموضوع وخلص جاء يوم من الايام في الويك اند وسافرت وبصراحه قلت خلني اروح البار ماعليش باكون معكم صريح رحت ولقيت سعوديييييييييين الى مالانهايه ورايحين فيها جوني وانا جالس سلموا علي ومن وين انت ومادري شنو قلت مقفاك انت وياه قالوا مالك بالحشيش قلت لا قالوا توك جديد قلت الا خبير يامخفه انت وياه بسس ياورع ضف وجهك لا اتوطا ببطنك ورحت ومن عقبها قلت لا بار ولا خروج في الليل ولا احتكاك بالسعوديين الا الطيبين اللي اصلا هو يقولك وينصحك
المهم نصائحي لكم ترا الحياه هنا غير بكل تفاصيلها هنا كل شيء منفتح كل شيء متوفر فانت انتبه على نفسك ومن رفقاء السوء البعض يجي هنا ويقول يارجال بشرب بيره بس لكن ماتلقى نفسك الا طاب باالحشيش وامور شينه الله يحفظكم منها يارب
يااخواني اخواتي انتم جايين علم وامور زينه فلا تحط نفسك اسير للخراب اذا تقدر تتزوج فانا انصحك لان الزواج بيعقلك وبيثبتك وبيحسسك بالمسؤوليه
لاتروح بار لاتروح بار لاتروح بار
لاتطلع بانصاف الليالي
لاتجامل على حساب نفسك اكرش بس بادب وخفه
لاتكون انطوائي وخواف
اندمج مع الشعب وفرفش نفسك بعقل وذكاء
تروا هنا رحلات مع المعهد مع الاسر الامريكيه مع السعوديين الطيبين
انا اقول للشباب تزوجوا احسن
واقول للبنات ابتعدوا عن البنات الصيع وياكثرهم تروا عندنا نوعيات الله بالخير ياتلقاه بالجم اقصد بالنادي شورت وتفسخ وسماعات واغاني وعلى بالها منفتحه ومتحضره وهي اصلا مسكييييينه
لا حول ولاقوة الابالله
اقول لكم بالفم المليان اذا عرفت تحفظ نفسك بتعيش واذا عطيت نفسك هواها بتروح فيها
وتروا امريكا دوله حلوه واذا عرفت تعيش فيها بتحبها ويمكن ماتطلع منها بس اعرف عيشها
انا ماودي اخوفكم بس ابيكم حريصين واللي عنده استفسار او يبي مساعده من هنا احسن له ياخذ ارقام النوادي السعوديه للطلاب من الملحقيه بالنسبه لمدينته
وانا حاضر اللي يبي مني مساعده او اوقف معه في مدينتي يبشر اهم شيء ماتضيع وانا حاضر
وابشر ومن عيوني
اهم شيء مايصير لكم اللي صار لي
والسلام عليكم ورحمة الله وبركاته
اخوكم
مبتعث وافلقني لاطلعت واصلا خلاص انفلقت وخلاص
قود باي اكس كيوزمي بوردن انفرميشن >>>>>>>>>>قاعد يذاكر الولد!!!
-
رد: لطلاب امريكا الجدد او اللي بيجون ياليت تنتبهون !!!!
كلالالالالام كبير موضوعك
واهنييييييك من كل قلبي
ويليت ترسل لي ايملك على الخاص لاهنت
-
رد: لطلاب امريكا الجدد او اللي بيجون ياليت تنتبهون !!!!
سلام عليكم ورحمة الله
اخي الكريم كلامك صحيح لاصحاب النفوس الضعيفه والايمانهم بالله ضعيف
والي يخاف الله مكان ما توديه وتحطه يظل يخاف الله ورسوله
مساكين تلاقاااه ماكل هوى بالسعودية والولد مولع ويحط حرته في لبعثه ويهمل الدراسه ويطلع بلوشي
شكرا لك
-
رد: لطلاب امريكا الجدد او اللي بيجون ياليت تنتبهون !!!!
تسلم اخوي على النصائح
والله التجارب هي المحك في الحياه وهي الي تعلم الواحد
بس التجارب بالشي الصالح
مو يقول الواحد اجرب الخرابيط ذي وتجرفه لأشياء هو بغناء عنها
والمفروض الواحد يكون الله بين عيونه وفي باله بكل شي يسويه لا يقول ما احد شايفني أو يقول هي مره وتعدي
لا الي تتعامل معاه في الخرابيط ذي هو قاصد انه يطيحك فيها ويبغاك انت الي تكون طريقه لتوفيرها
والله هذي بلاوي الواحد يكون حريص انه يبعد عنها
وننصح الشباب بالتعاون فيما بينهم بالشي الي يعود لهم بالفايدة
والبنات يتنبهون لأنفسهم ولا يحسبون انفسهم بالتفصخ والتعري ان هذي الحريه والتطور
الشخص يأخذ الايجابيات من الدولة الي مسافر لها مو يأخذ السلبيات ويترك الايجابيات
والله يحفظ الجميع انشاء الله ويسهل لكل شخص أمره
والنيه النيه النيه يا لشباب
أصلحوووووووووووا النيه
-
رد: لطلاب امريكا الجدد او اللي بيجون ياليت تنتبهون !!!!
حمدلله على السلامة أخوي..
الله يبعدنا عن رفقاء السوء ومجالسهم..
ويحبب فينا خيار خلقه..
أقولك شئ...: علم الملحقية عليهم وخلها تأدبهم!! بكرة يسوون مصيبة ويقولون السعوديين كلهم كذا!! والإيقولون المسلميين فيهم ويخطيهم!! يعني بصراحة لالالالازم تكلم الملحقية وتقولهم خليها تشوف حل قبل مايضيعون عيال البلد!!
"الله خير حافظا وهو أرحم الراحمين"
-
رد: لطلاب امريكا الجدد او اللي بيجون ياليت تنتبهون !!!!
والله انك صادق انا عندي اخوي له في امريكا 3 سنوات تضارب مع سعوديين واجد واخر سعودي انقلوه للمستشفى ويقولي اماشي امريكان ولا سعوديين
-
رد: لطلاب امريكا الجدد او اللي بيجون ياليت تنتبهون !!!!
اولا اشكركم على ردودكم الحلوه والف شكر لكم
الله يهدي الحال بس
اخوي بيليه الف شكر على شعورك الطيب انا حاضر ارسل لي ايميلك وانا حاضر
فرح الف شكر ومعك حق بس الملحقيه عارفييييييييين كل شيء واصلا هم اغلبهم متوقفه مكافائتهم وامور سيئه واغلبهم بينكرش للسعوديه
وفي الاخير مانقول الا الله يهديهم ويصلح حالهم ااااخ بس شوهه صورتنا الله يهديهم
-
رد: لطلاب امريكا الجدد او اللي بيجون ياليت تنتبهون !!!!
يعطيك العافيه وفعلا شي يحزن له القلب وإن شاء الله الجميع
يستفيد من كلامك ويحرصون على الرفقه الطيبه والصالحه
-
رد: لطلاب امريكا الجدد او اللي بيجون ياليت تنتبهون !!!!
السلام عليكم
كلاااااااااام سييييييييييييييم
الله يكتب لك الأجر
والواجد ماينسى يدعي كل يوم اللهم احفظني من بين يدي ومن خلفي وعن يميني وعن شمالي
الله يحفظ شباب المسلمين
بقولك قصة صارت بزوجي وهو الحين يدرس في امريكا يقولي ان المعهد كان مسوي لهم عشاء المهم راح للمطعم الي معزومين فية دخل ولقى كم واحد من الشباب تحت الا يسمع صوت بالدور الثاني ويرقى وش يشوف رقاصة لابسة من غير هدوم وكل الشباب جالسين وانواع الفلة المهم زوجي على طول راح بيطلع الا يلحقة واحد سعودي وين يارجال اقعد معنا ولا ماجازلك الوضع ؟؟ قالة زوجي لا ماجازلي وطلع وخلاهم
ويحكيني عن واحد معة بالجامعة سيولف علية ويقولة متى ناوي ترجع وكيف الأجازات وش بتسوي فيها ؟؟ قالة انا لي سنتين بأمريكا ولا مرة رحت لسعودية وباقي سنتين ولا راح ارجع فيهم
زوجي استغرب الا شوي وتجي القير فرند حقتة ويقولي انها ( صاروخ ) فمستحيل بتركها ويروح السعودبة
من جد بكيت يوم قالي هالموقفين
الله يحفظ الجميع
الله يستر على شباب وبنات المسلمين
ياليت في حل للمهزلة هاذي
-
رد: لطلاب امريكا الجدد او اللي بيجون ياليت تنتبهون !!!!
اقتباس:
المشاركة الأصلية كتبت بواسطة مجرد أسم
السلام عليكم
كلاااااااااام سييييييييييييييم
الله يكتب لك الأجر
والواجد ماينسى يدعي كل يوم اللهم احفظني من بين يدي ومن خلفي وعن يميني وعن شمالي
الله يحفظ شباب المسلمين
بقولك قصة صارت بزوجي وهو الحين يدرس في امريكا يقولي ان المعهد كان مسوي لهم عشاء المهم راح للمطعم الي معزومين فية دخل ولقى كم واحد من الشباب تحت الا يسمع صوت بالدور الثاني ويرقى وش يشوف رقاصة لابسة من غير هدوم وكل الشباب جالسين وانواع الفلة المهم زوجي على طول راح بيطلع الا يلحقة واحد سعودي وين يارجال اقعد معنا ولا ماجازلك الوضع ؟؟ قالة زوجي لا ماجازلي وطلع وخلاهم
ويحكيني عن واحد معة بالجامعة سيولف علية ويقولة متى ناوي ترجع وكيف الأجازات وش بتسوي فيها ؟؟ قالة انا لي سنتين بأمريكا ولا مرة رحت لسعودية وباقي سنتين ولا راح ارجع فيهم
زوجي استغرب الا شوي وتجي القير فرند حقتة ويقولي انها ( صاروخ ) فمستحيل بتركها ويروح السعودبة
من جد بكيت يوم قالي هالموقفين
الله يحفظ الجميع
الله يستر على شباب وبنات المسلمين
ياليت في حل للمهزلة هاذي
صدقتي يااختي والله يحفظ زوجك ويحفظكم يارب
صدقتي لا وتلقينهم يحطون صور بنات ومصورين معهم على الفيس بوك وعلى بالهم انا حنا اللي مظبطين وهذولا حبيباتنا لكن الموضوع اصلا ان البنات هنا اكثرهم يعني 70 في المئه حقين حشيش ويلقون شقق سعوديين ويصرفون عليهم خلاص الوضع تمام
الله يصلحهم والله الحال يقطع القلب
وانا انصح بالزواج ياناس انصح وبقوه مع اني عزوبي بس انا ناوي لان الزواج والله هو اللي يخليك تستقر والله
وشوفوا كل المتزوجين مبدعين في الدراسه واحسن نفسيه من العزوبيه
-
رد: لطلاب امريكا الجدد او اللي بيجون ياليت تنتبهون !!!!
ما اقول الا
جزاك الله على الموضوع الرائع
اتمنى بس الناس تقرا وتتعظ
والله الهادي الدليل
-
رد: لطلاب امريكا الجدد او اللي بيجون ياليت تنتبهون !!!!
الله يعطيك العافيه حبيب القلب على الموضوع الحلو والله والله والله انا صار لي موقف مشابه هالموقف اللي هو :
جينا من الملحقيه اللي هو اليوم الثاني على المغرب رقينا الغرف في الفندق طبعا ماااحد يعرف احد لكن تعرفنا على بعض المهم قلنا الوعد بعد صلاة العشاء ننزل ونجلس مع بعض المهم نزلنا قالوا الشباب نبي نطلع قلت لهم وين نطلع واحنا في ذا المقطعه (فندق كمفورت ان) قالوا خلنا نروح الفندق اللي جنبه نبي نروح البار قلت لهم مايصير من اول يوم تو ترى لاحقين خير قالوا بنروح قلت يلا معاكم المهم دخلنا الفندق قالوا غالي ماغالي قال واحد من الشباب خلنا نروح البقال نشتري الاغراض ونرجع الفندق المهم رحنا البقاله مارضى يبيع الشباب ( اظاهر الملحقيه محرصين عليه) المهم تعشينا ورجعنا الا واحد من الشباب مسكت معاه حشيش الا يبي يحشش قلت يااااااخي عيب عليكم سووا اللي تبونه الا الحشيش تراه هو ام المصايب الا الشعب معزمين ينتظرون واحد يجيب لهم مواعدينه بس الحمدلله انه ماجاهم صارت له ظروف .
فهذا موقف من المواقف اللي بصراحه عرفت ان بعض الشباب اللي يجون هنا يعتبرونها رحله سياحيه مدفوعة التكاليف .
الله يبعدنا عن كل حرااااااااام وخصوصا الحشيش و الله يوفقنا لما نحبه ونرضاه ولا اقدر اضيف الا الصلاه الصلاه الصلاه الصلاه الصلاه الصلاه الصلاه الصلاه الصلاه الصلاه الصلاه الصلاه الصلاه الصلاه ومماملكت ايمانكم
-
رد: لطلاب امريكا الجدد او اللي بيجون ياليت تنتبهون !!!!
مشكور اخوي وجزاك الله خير وجعلها في موازين حسناتك
اخوي تكفى يالذيب أبي نادي الطلبة السعوديين في مدينة سان انتونيوا اذا موجود
وجزاك الله خير
-
رد: لطلاب امريكا الجدد او اللي بيجون ياليت تنتبهون !!!!
الله يحفظ شباب وبنات المسلمين
الابتعاث لابد ان يقنن اكثر وخاصة البكالوريوس
-
رد: لطلاب امريكا الجدد او اللي بيجون ياليت تنتبهون !!!!
الله يوفقك ويوفق امثالك و المسلمين اجمعين
انا بصراحه ماشيت الداجين عندنا بالسعودية ومالقيت منهم الا الرسوب
كنت ادرس في الكلية التقنية ورسبت سمسترين وبعدها جاء الوالد قالي والله ماتجلس بالبيت فاضي اخذني على معهد لغة وجلس المعهد ثلاث شهور وحاول الوالد يدخلني جامعة وجاني قبول بجامعة الملك سعود بس فاتني مارحت قدمت ملفي بسبب ضروف واضطريت ارجع الكلية
بعد مارجعت الكلية حسيت اني مابقدر اكمل فا سحبت ملفي
وسجلت في جامعة بالبحرين على حسابي
والوالد ماقصر معي بشيء
بس والله اني رحت البحرين وعرفت اني كنت امشي غلط و عرفت ليه كنت ارسب
بسبب الناس الداشرة
والله اني اذا جيت ابغا اطلع الدينار اعرف وين بيروح وش بيجيب لي
كنت اسلم اجار شقة 1800 واشترطة على الوالد انه يرسلي مصروف الشهري لايزيد عن 800
اقسمها 200 عزبة اكل 150 بنزين و الباقي اقسمه على باقي الشهر = يعني دينار ونصف او دينارين باليوم بس 450 اقسمها في 30 يوم
والبشهر اروح السينما مره او مرتين وباقي الويكند كنت العب مع ربعي في صالت بلياردوا
ومرت الشهور وصرت اوفر اوقات يجي نهايت الشهر يبقى عندي 4 دينار و اوقات 6 دينار
واعرف شباب كانوا معي في البحرين سعوديين مايجي نصف الشهر ماتشوف في جيبه نصف دينار
حتى مره واحد جاء يشكيلي حاله ويبغا فلوس مني اعطيته وصرت اجذ واعطي معه وقالي ان ابوه يرسله شهرياً 1200 ريال مصروف ((( ياعالم وين تطير هذاي 1200 ريال ))) ويوم قلت له اني اخذ 800 ريال واعيش فيها الى نهايت الشهر استغرب .
المهم علمته كيف يقسم فلوسه وتركته في سبيله
والان انا اراسل جامعة في امريكا عشان ابغا قبول عشان الدراسة
ومااقول الا الله يوفقكم ان شاء الله ويكتب لكم مافيه خير
-
رد: لطلاب امريكا الجدد او اللي بيجون ياليت تنتبهون !!!!
كلامك تشكر عليه يا اخي الكريم
والمفروض الشخص اذا سافر لاي بلد بالخارج
يراعي اولا حق الله في نفسه
وثانيا يكون سفيرا لوطنه
والله يوفق الجميع
-
رد: لطلاب امريكا الجدد او اللي بيجون ياليت تنتبهون !!!!
تحية اكبار لكل الكبار
نعم اقف اجلالا لك اخي
والله اني عرفت ان شعبنا مثل عنز البدو اللي طاحت بالمريسة لكن الله يرفع المريسة ويرفع عنز البو عن بعض شبابنا
لا اقول الا ابيض واجه بس عى راسك طاب من الفلقة
الله يصلح الحال ويكثر من امثالك ياذيبان
-
رد: لطلاب امريكا الجدد او اللي بيجون ياليت تنتبهون !!!!
OMG
قسم بالله جسمي قشعر لا حول الله
نصيحه للي مايفكر في نفسه ولى يهمه فكر في اهلك الي ينتظرون انك تتخرج اليوم قبل بكره وكون قد الامانه والثقه الي اعطوك اياها
نصيحتي الثانيه
اذكر الله يذكر ويحفظك من كل عين ومن كل شر
الله يسهلها علينا ويردنا لأهلينا سالمين رافعين الراس بشهادتنا اللهم امين
ومشكور اخوي على الموضوع القوووي
STRONGER
-
رد: لطلاب امريكا الجدد او اللي بيجون ياليت تنتبهون !!!!
:heh: خوفتنييييييي
اذا انت شااب وكذا صار معاك.. شلون البناات
الله يحفظكم شباب وبنات من كل مكروه ويبعد عنكم اولاد وبنات الحرام :no1:
-
مشاركة: لطلاب امريكا الجدد او اللي بيجون ياليت تنتبهون !!!!
الف شكر لصاحب الموضوع وابي اقول اصلا مالقى البعثات الا هالاشكال واحنا ياللي على حسابنا
واللي كدتنا الحياه واعمارنا على 25 و26 نبي نلتحق ماعطونا وجه
وفي النهايه مااقول الا خلو بزارين الابتعاث ينفعونك ياوزاره ويابلد "
ويابلادي واصلي ،،،،
-
رد: لطلاب امريكا الجدد او اللي بيجون ياليت تنتبهون !!!!
السلام عليكم ورحمة الله وبركاته
كيف حالك اخوي والحمدلله على سلامتك ..
أشوفك معطي الموضوع اكبر من حجمه :)
الموضوع مايستاهل هذا كله كلن عقله براسه ويعرف خلاصه ! الي بيحب يدشر اول مايجي هنا بتلقاه دايركت على البار ! والي مابراسه دشره بيعرف يميز معادن الناس ، ومن ناحية الحشيش والخمر مو كل السعودييين تحصل عشره في المية ، وياكثر ماتتعرف على سعوديين تتمنى انه اخوك :)
الي بقوله نصيحه اخ مجرب في امريكا من وقت ليس بقصير الي جاي هنا يستفيد من سنة اللغه اذا تبي ترتاح خمس او سبع سنين في امريكا أكرف في اللغه وحاول تستفيد مهوب معناه انك تنجح بالمعهد ، معناه تشد حيلك بالدراسه وتختلط مع امريكان لان المعاهد تعطيك تقريبا من عشرين الا ثلاثين بالميه من مفاتيح اللغه والباقي عليك !! ولله اعرف لك ناس بيكملون السنه بامريكا مايعرفون يدبرون أمورهم :) كله من لعب البلوت وجلسه مع السعوديين وكبسات أنا اقول لاتقطع السعوديين بالعكس خفف من الجلسات قد ماتقدر واختلط مع الاجانب بعد ماتكتسب اللغه تقدر كل يوم تجتمع لو مع مية سعودي يوميا ماعندك مشكله :D
الله يوفقكم جميعا واي استفسار عن اي حاجه في امريكا الخاص تحت خدمتكم وان شاءالله الله يجملنا
-
رد: لطلاب امريكا الجدد او اللي بيجون ياليت تنتبهون !!!!
شئ يضيق الصدر
انتبه على نفسك مبتعث
-
رد: لطلاب امريكا الجدد او اللي بيجون ياليت تنتبهون !!!!
اقتباس:
المشاركة الأصلية كتبت بواسطة Stronger
OMG
قسم بالله جسمي قشعر لا حول الله
نصيحه للي مايفكر في نفسه ولى يهمه فكر في اهلك الي ينتظرون انك تتخرج اليوم قبل بكره وكون قد الامانه والثقه الي اعطوك اياها
نصيحتي الثانيه
اذكر الله يذكر ويحفظك من كل عين ومن كل شر
الله يسهلها علينا ويردنا لأهلينا سالمين رافعين الراس بشهادتنا اللهم امين
ومشكور اخوي على الموضوع القوووي
STRONGER
نفس كلامي ألي كنت بقوله
-
رد: لطلاب امريكا الجدد او اللي بيجون ياليت تنتبهون !!!!
اقتباس:
انا حاب انصحكم من اغلبية الشباب السعوديين هنا والله العظيم وللاسف انهم تعبانيين وخربانييين لابعد درجه والمشكله الكبيره انهم يزحفون بك يعني يبونك معهم وللاسف اغلبهم بزاريين يعني مايتعدى ال20 سنه
اقتباس:
اباقولكم بعض المواقف اللي حصلت لي واللي شفتها هنا
اول شيء اغلبهم مو حق شراب بس لا اغلبهم حشيش حشيش حشيش
انتبهوا المشكله ان المستجد اول مايجي يتعلق باي سعودي وانا ما الومه يبي الفزعه وفي الاخير يجد نفسه معهم ويحشش ويشرب ويسكر وضاعت الطاسه بينهم
آه بس يامبتعث ورب البيت جبتهآ على الجرح
ياأخوان اليوم كان فيه مدري وش يوم خاص بالايرلنديين يلبسون اخضر في اخضر
وتشوف هالوراعين وبسميهم وراعين لان فعلآ ماهم رجال ولا مقدرين مسؤوليه كونك مبتعث لا وسعودي لا وفوق هذا كله مسلم الديانه اللى صارت عندهم اسم بس
تشوفهم طاقين الاخضر ويتمشوون معهم لقيت واحد وسألته قلت وش يعني لك اليوم الايرليش قال مدري والله بس شفت العالم لابسينه لبسته معهم يعني مع الخيل ياشقراء ودي والله وقتهآ صكيته مخمس من القهر اللى فيني
وفوق هذآ كله والله مايركعونها ولا يعرفون الصلاه انا ابي اعرف كيف تبي الله يوفقك وانت ولا تعرف القبله وينهآ
ولحد يقول لي كيف عرفت هذا احنا تجمعنآ واقول لهم صلاه اللى يتسدح واللى يفتي من عنده يقول جمع وقصر واللي يمر عليه وقت الصلاه مرور الكرام
العتب على وزاره التعليم العالي ابتعثت عآلم ماتدري وين ربي طاشها ماخذه الابتعاث فله ووناسه
لكن بالمقاابل وربي يافيه رجال يرفعون الراس وربي خوتهم بالغربه نستني الغربه نفسهآ رجال مايلهيهم شي عن الصلاه وقت الدراسه دراسه ووقت الجد جد ووقت اللعب لعب ماسكين انفسهم مثلونا خير تمثيل
من القهر طلعت كل هالكلام والمعذره
-
رد: لطلاب امريكا الجدد او اللي بيجون ياليت تنتبهون !!!!
والله كلااااامك صحيييييييح 90% من السعودييين مهببل مو طبيعييين بارااات شررب موب طبيعي وخاااااااااصه في أورلاااااااندو الله يشفيييييهم ..وحتى الأجااانب الي 24 ساعه عندهم خرابيط مايسوون سووااات السعوديييين فشلووووووووووووووووووووووووووووووووووووووووووووووو ووووووووووووووووووووووووووووووونااااااا الله ...... من سفركم وجابكم هنا :(
-
رد: لطلاب امريكا الجدد او اللي بيجون ياليت تنتبهون !!!!
اقتباس:
المشاركة الأصلية كتبت بواسطة عاشق أمريكا
والله كلااااامك صحيييييييح 90% من السعودييين مهببل مو طبيعييين بارااات شررب موب طبيعي وخاااااااااصه في أورلاااااااندو الله يشفيييييهم ..وحتى الأجااانب الي 24 ساعه عندهم خرابيط مايسوون سووااات السعوديييين فشلووووووووووووووووووووووووووووووووووووووووووووووو ووووووووووووووووووووووووووووووونااااااا الله ...... من سفركم وجابكم هنا :(
افا والله الا ياكثر بزاريننا في اورلاندوا
-
رد: لطلاب امريكا الجدد او اللي بيجون ياليت تنتبهون !!!!
اقتباس:
المشاركة الأصلية كتبت بواسطة عاشق أمريكا
والله كلااااامك صحيييييييح 90% من السعودييين مهببل مو طبيعييين بارااات شررب موب طبيعي وخاااااااااصه في أورلاااااااندو الله يشفيييييهم ..وحتى الأجااانب الي 24 ساعه عندهم خرابيط مايسوون سووااات السعوديييين فشلووووووووووووووووووووووووووووووووووووووووووووووو ووووووووووووووووووووووووووووووونااااااا الله ...... من سفركم وجابكم هنا :(
لاعاد 90% رايحين فيها و 10% صاحين؟؟؟ لا كذا تو متش نو واي
و الـ 10% خلينا نقول نصهم يطلعون بلغه وشهاده اجل وش خلينا؟؟ اذا كذا معناها راحت ابو البعثات في الهوااا
فيه الناس الكويسه والناس الي مضيعين واعتقد الاشياء هذي تصير اكثر بين الـ teens الا الي هداه ربي
وبعدين معليش ياناس لاتقولون الموضوع اكبر من حجمه والكلام هذالحظت الجمله هذي تترددفي المنتدى لا الموضوع مو هين ولازم فيه نصح وتذكر للاجيال الجايه والي على الحافه يرجع يصحصح
-
رد: لطلاب امريكا الجدد او اللي بيجون ياليت تنتبهون !!!!
يعطيك العافيه على هالنصايح
الله يهدي بنات وشباب الامه
-
رد: لطلاب امريكا الجدد او اللي بيجون ياليت تنتبهون !!!!
اخـووي مبتعث ،، الله يعطيك العـافيه على نصـايحك القيمـه والله يجزاك خير ،،
اخوي انا باقي ماجيت امرريكـا للحين ومانستغني عن استشارتكم ،، فـ ممكن ترسلي ايميلك ؟؟
اخـووووك.......
-
رد: لطلاب امريكا الجدد او اللي بيجون ياليت تنتبهون !!!!
ال 10% الباقييه والله ناس ولا اطيب منهم بس انا اتكلم عن الأغلبيه كلهم داجيين والي هم البزرااان على قولتكم بس برضو فيه كباار....
-
رد: لطلاب امريكا الجدد او اللي بيجون ياليت تنتبهون !!!!
يا شباب " ما تراه لا ماتسمعه "
تحياتي .
-
رد: لطلاب امريكا الجدد او اللي بيجون ياليت تنتبهون !!!!
في بعد سعووديين كثير حرموهم من دخول امريكا اكثر من 25سنه
-
رد: لطلاب امريكا الجدد او اللي بيجون ياليت تنتبهون !!!!
شكراً لك على النصيحه والتوجيه.....بس صدقني الي راح امريكا وفي نفسه علم وادراسه ويخاف الله ويذكر الله هذا انشاءالله حصن له من كل صديق سوء اوعدوء......( اذكر الله في السراء يذكرك في الضراء ).......
-
رد: لطلاب امريكا الجدد او اللي بيجون ياليت تنتبهون !!!!
أخوي انت ضخمت الامور
صح ان الاشياء هذي موجودة بس مو بالنسب اللي ذكرت
هيا نسب قليلة ماتتعدا 30% انا متاكد من الشي ذا ورجاء ياخوان لاتعممو
-
رد: لطلاب امريكا الجدد او اللي بيجون ياليت تنتبهون !!!!
موضوعك جيد مع بعض التحفظات ... لكن انا الي مستغرب منه ان كل واحد من الاعضاء يحط نسبة معينه للطلاب الصايعين .. واحد يقول 10% وواحد يقول 90% ؟ وآخر واحد ماشالله متاكد جدا من الاحصائيه 30% .. يعني مو 33% ..
تدرون وش مشكلتنا يالسعوديين ... اللقافه .. كل واحد يطالع غيره وينتقده ويطلع عيوبه ... والله لو كل واحد يشغل نفسه بنفسه ويركز بدراسته ابرك له الف مره ...
وما يقهرني الا اذا الواحد طلع السوق ولا المطعم .. وشافوه سعوديين .. يقعدون يبحلقون فيه وفي اهله وفي عياله .. ليه مادري .. وهالشي مو بس في امريكا ... في كل مكان ..
انا عن نفسي .. والله ما طقيت خبر اذا الي معي سعوديين ولا لا ... حالهم حال غيرهم .. اذا جا احد يبي مساعده ما نقصر معاه لكن مو بس السعودي .. حتى الهندي والامريكي والياباني .. اذا احتاجونا ما نقصر معهم ..
خلاصة الكلام .. السعوديين بشر .. وحالهم حال غيرهم .. فيهم الصالح وفيهم التعبان .. وتراهم يغلطون مثلهم مثل غيرهم ..
والعتب على الوزاره ... قامت تبعث كل من هب ودب .. لا تاهيل ولا تدريب .. ما غير امر الاركاب .. والولد من الدرعيه الى لوس انجلس .. والمصيبه كل شوي والثاني زايدين المكافئه وكل يوم والثاني معطينهم مكرمه ..
والله لو هالفلوس تنصرف في بناء جامعات ومستشفيات في السعوديه ابرك مليون مره من هالابتعاث
-
رد: لطلاب امريكا الجدد او اللي بيجون ياليت تنتبهون !!!!
مشكور على النصايح وجعله الله في ميزان حسناتك
وانشالله كل المبتعثين والمبتعثات يراقبون الله سبحانه قبل كل شي
وبغض النظر يا جماعه عن النسب صحيحة لو لا
انشالله نروح ونرفع النسب الكويسة ونخلي السيئة 0%>> متفائلة حدي
وبالتوفيق للجميع
-
رد: لطلاب امريكا الجدد او اللي بيجون ياليت تنتبهون !!!!
والله يا شباب انا بأمريكا من فتره طويله ولا شفت اللي جالسين تتكلموا عنه ؟؟؟؟؟؟؟؟؟؟؟؟؟؟؟؟؟؟؟؟؟
والله ما شفت واحد عنده قيرل فرند ولا شفت واحد يحشش ..... انا مدري وش حضك (يا متعث وافلقني لا طلعت) يوم طحت في ذيك الشله خخخخخخخخخخخخخخ
مدري ولايه عن ولايه تفرق والا وش السالفه بذا الموضوع ؟؟؟؟؟؟؟؟؟؟؟؟؟؟؟؟؟؟؟؟؟؟
طبعا الاحظ مبتعثي البكلوريوس كل سوايفهم في الجامعه أو غيرها (ذيك البنت حلوه لا ذيك أحلى وووو بس) غير كذا مافي
على العموم الله يحفظنا بحفظه ويغنينا بحلاله عن حرامه إنه قريب مجيب
بس الاحظ أن كل الردود مركزين على الدشير وناسين الناس الطيبه ليششششششششششش بكذا يعني تتصوروا إن مبتعثي أمريكا كلهم داجين ودشير ما يصير والسبب كاتب الموضوع ...على العموم عسى خير
سلام
-
رد: لطلاب امريكا الجدد او اللي بيجون ياليت تنتبهون !!!!
اقتباس:
المشاركة الأصلية كتبت بواسطة SA Master
والمصيبه كل شوي والثاني زايدين المكافئه وكل يوم والثاني معطينهم مكرمه ..
والله لو هالفلوس تنصرف في بناء جامعات ومستشفيات في السعوديه ابرك مليون مره من هالابتعاث
وهذي أول المطاليب خخخخخخخخخخخخخخخخخخخخخخ
عالم
-
رد: لطلاب امريكا الجدد او اللي بيجون ياليت تنتبهون !!!!
اخوي اهنيك على موضوعك وعلى صراحتكم وعلى جرأتك وطرحك للموضع بكل قوه
لكن يبقى السؤال هل الوزاره ممثله بالمحلقيات ما عندهم خبر
لانه لازم نعترف ان الوضع هذا خطير وتكمن خطورته في كمية الفيروسات والامراض اللي راح يينقلونها
هؤلاء المحترمين لزوجاتهم بالغد ولبلدنا ولك ان تتخيل
يعني على سبيل المثال لا الحصر
هذه الأمراض تنتقل نتيجة للإصابة بأنواع معينة من البكتريا أو الفيروسات أو الطفيليات نتيجه للمعاشره الجنسيه وتبادل سجائر الحشيش وحتى عن طريق القبلات (( البوسات )) ومن هذه الأمراض:
- أمراض ناتجة عن الإصابة بالبكتريا مثل الزهري، والسيلان، والكلاميديا (وهي أكثر الأمراض البكتيرية المنتقلة جنسيا انتشارا)، والقرحة التناسلية اللينة (chancroid).
- أمراض ناتجة عن الإصابة بالفيروسات مثل: الهربس، والثآليل الجنسية (HPV)، والالتهاب الكبدي الوبائي بانواعه، والإيدز، ويعتبر الهربس من أكثر الأمراض الفيروسية المنتقلة جنسيا انتشارا.
- أمراض ناتجة عن الإصابة بالطفيليات مثل (الترايكوموناس) المشعرات المهبلية.
وغيرها الكثير والقائمه تطوووووول الله لايبلانا واياكم
ووش ذنب بنت الناس المستوره اللي تنتظر نصيبها وتنتظرك بالفارس المزعوم وش ذنبها بتنقلها هالامراض هاااااااااااااااااه
حسبي الله ونعم الوكيل .......... اليا متى وحنا هلووووووووووون ... همج .... غجر مانتطور
ياخسارت هالبعثات ... ننتظركم على احر من الجمر ... واخرته تجون محملين باطنان من الفيروسات والدمار الاخلاقي والجسدي والاجتماعي والاسري والنفسي
يعني بالعربي دمار شامل غير غضب الله عز وجل قبل كل شي
نصيحه لكل شاب
لايكون على بالك ان استخدام الوقي الذكري راح يحميك من العدوى لا ياحبيبي ألبي الفيروسات حجمها جدا صغير لا ترى بالعين المجرده تدخل من الفتحات الصغيره التي لا ترى ايضا بالواقي الذكري ... يعني الواقي ما يفيد الا بمنع الحمل فقط ولا هو فعال 100% بعد
ثانيا لا يغرك المظهر الخارجي للبنات الشقر والحمر ونظافة البدن فالفيروس ليس له لون ولاتظهر اعراضه على المريض مباشره الا بعد مضي فتره من الزمن تقدر من سنه الى عشر سنوات اعتمادا على نوع الفايروس وعلى مناعة الشخص المصاب وتسمى هذي الفتره علميا ( بفترة الحضانه )
يا اخووووووووووووووووووووووووووووووووووووان
رجاء ونداء لكل من عقل ولكل غيور على بلده ووطنه فاذا لاتهمك سمعتك فنحن تمهنا سمعة وطننا
وسمعتنا كسعوديين عرب مسلمين ......... انصحوا من تستطيعون نصحه ولو بنظره او بتخويفهم من الامراض ...........
وانا الظاهر عصبت :crash::crash:ومقدر اكتب واكمل وحسبنا الله ونعم الوكيل
والله يحفظ شباب وبنات المسلمين ............ قولوا امين
-
رد: لطلاب امريكا الجدد او اللي بيجون ياليت تنتبهون !!!!
اي مطاليب يالميموني ...
انا ما طلبت شي .. الي اقوله ان الفلوس لها مضار اذا زادت عن الحاجه ..